NIPT - Non-İnvaziv Prenatal Test – hamiləliyin erkən mərhələsində dölün sağlamlığı haqqında dəqiq məlumat almağa kömək edən müasir genetik analizdir. Bu test ana qanında döldəki xromosom anomaliyalarının müəyyən edilməsi üçün aparılır və hamiləliyin 10-cu həftəsindən etibarən təhlükəsiz şəkildə həyata keçirilə bilər.
NIPT testinin əsas məqsədi Daun sindromu (Trizomiya 21), Edvards sindromu (Trizomiya 18), Patau sindromu (Trizomiya 13), X və Y xromosomları ilə bağlı dəyişikliklər və digər genetik pozğunluqların ehtimalını qiymətləndirməkdir.
NIPT Testinin Üstünlükləri;
1. Tamamilə təhlükəsizdir və invaziv deyil; NIPT testi yalnız ana qanından götürülən nümunə əsasında aparılır, yəni amniosentez və ya xorionik vilus biopsiyası kimi riskli prosedurlara ehtiyac qalmır. Bu da düşük riskinin olmaması və anaya və körpəyə heç bir zərər yetirilməməsi deməkdir.
2. NIPT testi ənənəvi skrininq testlərindən daha dəqiqdir:
  • Daun sindromunun aşkarlanma dəqiqliyi >99%;
  • Edvards və Patau sindromlarının aşkarlanma dəqiqliyi >97-98%;
  • X və Y xromosomlarının pozğunluqlarının aşkarlanması;
3. Erkən diaqnostika imkanını təmin edir; NIPT testini hamiləliyin 10-cu həftəsindən etibarən etmək mümkündür, bu isə daha erkən mərhələdə risklərin qiymətləndirilməsinə və hamiləliyin idarə olunmasına kömək edir.
4. Genetik məlumatların geniş spektrini müəyyən edir; Bəzi NIPT testləri yalnız əsas xromosom pozğunluqlarını deyil, həmçinin mikrodelesiya sindromları (məsələn, DiGeorge 22q11.2), cinsiyyət xromosom anomaliyaları və nadir genetik dəyişikliklər haqqında da məlumat verir.
5. Ənənəvi skrininq testlərindən üstündür; Ənənəvi prenatal skrininq testləri (ikili və üçlü testlər) hormon səviyyələrinə əsaslandığı üçün nəticələr yanlış pozitiv və ya yanlış neqativ ola bilər. NIPT isə birbaşa dölün DNT-sini analiz etdiyi üçün daha dəqiq və etibarlıdır.

NIPT testi vasitəsi ilə həmçinin cinsiyyətin erkən təyini mümkündür. Əgər valideynlər körpənin cinsiyyətini erkən öyrənmək istəyirlərsə, NIPT testi 10-cu həftədən etibarən qız və ya oğlan olduğunu göstərə bilər.
NIPT Testi kimlər üçün daha faydalıdır?
🔹 35 yaşdan yuxarı hamilə qadınlar – Yaş artdıqca genetik anomaliya riski artır;
🔹 Əvvəlki hamiləlikdə genetik problem yaşamış qadınlar;
🔹 USM və ya digər testlərdə risk faktorları aşkar edilənlər;
🔹 Ailədə irsi genetik pozğunluqlar olanlar;
🔹 Xromosom anomaliyaları ilə bağlı yüksək risk qrupunda olanlar

NIPT test diaqnostik test deyil, yəni 100% dəqiqliklə diaqnoz qoymur. Əgər test pozitiv nəticə göstərirsə, bu, daha detallı analizlər (amniosentez, xorionik vilus biopsiyası və ya digər genetik testlər) tələb edə bilər.
        •   Normal nəticə → Xromosom anomaliyalarının aşkarlanma ehtimalı çox aşağıdır.
        •   Yüksək riskli nəticə → Həkim Genetik konsultasiyası və diaqnostik testlər tövsiyə olunur.
Denova Klinikası olaraq, ən müasir və etibarlı NIPT testlərini təqdim edirik. Pasiyentlərimiz dəqiq nəticə əldə etmək, fərdi genetik konsultasiya almaq və hamiləliyin sağlam gedişatını təmin etmək üçün bizimlə əlaqə saxlaya bilərlər.